Բոնուս քարտի պայմանները
«Բոնուս քարտը» վիրտուալ քարտ է և կցված է Բջջային հավելվածի և Կայքի Օգտատիրոջ հաշվին: «Բոնուս քարտը» ակտիվանում է «Անձնական էջ» բաժնում՝ անձնական հաշիվ ստեղծելիս: Յուրաքանչյուր անգամ առցանց պատվեր գրանցելիս Օգտատերը հնարավորություն է ունենում կուտակելու տվյալ պատվերի ընդհանուր արժեքի որոշակի մասը իր «Բոնուս քարտում»: Կուտակված 1 բոնուսը համարժեք է 1 դրամի։ Բոնուսներ կարելի է կուտակել միայն առցանց գնումներ կատարելու դեպքում: Կուտակված բոնուսները կարող եք տեսնել անձնական էջում` «Բոնուս քարտի» աջ անկյունում: «Բոնուս քարտի» օգտագործման համար Օգտատերը իր էլ. հասցեին կստանա PIN կոդ՝ «Գրանդ Քենդի» ընկերության կողմից։ Տվյալ PIN կոդն անհրաժեշտ է պահել, քանի որ հետագայում ֆիրմային խանութներից գնումներ կատարելիս բոնուսի օգտագործման համար անհրաժեշտ կլինի հավաքել տվյալ PIN կոդը։ Վերջինիս դրամական միավորները հնարավոր է օգտագործել «Գրանդ Քենդի» ՍՊ ընկերության ֆիրմային խանութներում՝ ցանկացած նոր պատվերի ժամանակ և ցանկացած չափով՝ ինչպես մասնակի, այնպես էլ ամբողջությամբ: Օգտատերը իր բջջային հեռախոսում առկա վիրտուալ «Բոնուս քարտի» շտրիխ կոդը անցկացնելով ֆիրմային խանութներում տեղադրված ծրիչներով (scanner) կարող է կատարել ինչպես բոնուս միավորներից մարում, այնպես էլ ֆիրմային խանութներից առձեռն գնումներ կատարելիս քարտին ավելացնել կանխիկ վճարված գումարի մանրադրամը: Կուտակված դրամական միավորները գործողության ժամկետի սահմանափակում չունեն և ենթակա չեն կանխիկացման: Բոնուսային միավորները հնարավոր չէ փոխանցել մեկ այլ Օգտատիրոջ բոնուս քարտին։
«Բոնուս քարտը» կուտակում է․
| Մինչև 4 999 ՀՀ դրամ գնումների դեպքում | 0.5% |
| 5 000 – 9 999 ՀՀ դրամ գնումների դեպքում | 1% |
| 10 000 – 14 999 ՀՀ դրամ գնումների դեպքում | 2% |
| 15 000 – 19 999 ՀՀ դրամ գնումների դեպքում | 3% |
| 20 000 – 24 999 ՀՀ դրամ գնումների դեպքում | 4% |
| 25 000 ՀՀ դրամ և ավել գնումների դեպքում | 5% |
